Դիսնեյը չի անդրադարձել Ամերիկայի Հայ դատի հանձնախմբի կոչին և ներկայացրել է Աթաթուրքի մասին սերիալի անոնսը

Disney Plus ֆիլմերի արտադրության և հեռարձակման հարթակը Twitter-ում երեկ՝ հուլիսի 2-ին նոր թրեյլեր է հրապարակել և հայտարարել «Աթաթուրք» սերիալի թողարկման մասին։

Նշենք, որ ԱՄՆ Հայ դատի հանձնախումբը հունիսի 29-ին կոչ էր արել չեղարկել սերիալի արտադրությունը:

«Դիսնեյ Պլյուսին ուղղված կոչ՝ չեղյալ համարել թուրք դիկտատոր և ցեղասպանություն կազմակերպող Մուստաֆա Քեմալ Աթաթուրքին փառաբանող սերիալները, որի ձեռքերի վրա է միլիոնավոր հույների, հայերի, ասորիների, քաղդեացիների, սիրիացիների, արամացիների, մարոնիտների և այլ քրիստոնյա նահատակների արյունը»,- նշվել էր Հանձնախմբի հայտարարության մեջ: