ՏԵՍԱՆՅՈՒԹ. Ադրբեջանն անվտանգության երաշխիքներ է խոստանում ԼՂ հայերին, ապա շրջափակման մեջ պահում...տարօրինա՞կ չէ. Մարուքյան
Հայաստանի հատուկ հանձնարարություններով դեսպան Էդմոն Մարուքյանը տեսանյութ է հրապարակել Լաչինի միջանքը փակած ադրբեջանցիների պարից։
«16-րդ օր, Լեռնային Ղարաբաղից Հայաստան ճանապարհը՝ Լաչինի միջանցքը, շարունակում է արգելափակված մնալ Ադրբեջանի կողմից։ Մատակարարման միակ ուղին՝ 120 հազար մարդու համար, որից 30 հազարը՝ երեխա:
Ադրբեջանն իրավունքներ և անվտանգության երաշխիքներ է խոստացել ԼՂ ժողովրդին, ապա արգելափակել և շրջափակման մեջ պահել։ Տարօրինա՞կ չէ», - «Թվիթեր»-ում գրել է Մարուքյանը։
Հիշեցնենք՝ դեկտեմբերի 12-ին մի խումբ ադրբեջանցիներ, ովքեր ներկայացել են որպես «բնապահպաններ», փակել են Հայաստանն ու Լեռնային Ղարաբաղը կապող միակ ճանապարհը՝ Լաչինի միջանցքը, որտեղ տեղակայված է ռուսական խաղաղապահ զորախումբը։
