Վարչապետ Նիկոլ Փաշինյանը կմեկնի Սանկտ Պետերբուրգ
Դեկտեմբերի 26-27-ին Սանկտ Պետերբուրգում անցկացվելու է ԱՊՀ անդամ երկրների ղեկավարների ոչ ֆորմալ գագաթնաժողով։
Նիկոլ Փաշինյանն արդեն հաստատել է իր մասնակցությունը։ Auroranews-ի կապ հաստատեց վարչապետի աշխատակազմի լրատվության և հասարակայնության հետ կապերի վարչության պետ Արմեն Խաչատրյանի հետ հասկանալու՝ նախատեսվում է Հայաստան, Ռուսաստան, Ադրբեջան եռակողմ հանդիպում։ Խաչատրյանն ասաց, որ եթե լինի նման պայմանավորվածություն իրենք կտեղեկացնեն։
«Դեռևս նման օրակարգ չկա»,-ասաց Խաչատրյանը։
Հիշեցնենք, որ դեկտեմբերի 14-ին ՌԴ նախագահի մամուլի քարտուղար Դմիտրի Պեսկովը հայտարարել էր, որ Փաշինյանը, Ալիևը և Պուտինը Սանկտ Պետերբուրգում շփվելու հնարավորություն կունենան։
«Կոնկրետ պայմանավորվածություններ չկան Ռուսաստանի, Ադրբեջանի և Հայաստանի ղեկավարներ Վլադիմիր Պուտինի, Իլհամ Ալիևի և Նիկոլ Փաշինյանի եռակողմ հանդիպման վերաբերյալ, սակայն նրանք կարող են խոսել Սանկտ Պետերբուրգում ԱՊՀ ոչ պաշտոնական գագաթնաժողովի շրջանակում»,- նշել էր ՌԴ նախագահի խոսնակը։
