Սերբիայի նախագահ Վուչիչն Ազգային անվտանգության խորհրդի արտակարգ նիստ է հրավիրել
Սերբիայի նախագահ Վուչիչն առաջիկա ժամերի ընթացքում Ազգային անվտանգության խորհրդի արտակարգ նիստ է հրավիրել կապված Կոսովոյի հյուսիսում իրավիճակի սրման հետ։
Կոսովոյի հյուսիսում սերբ ցուցարարները երկրորդ օրն է փակում են գլխավոր ճանապարհները՝ ոստիկանության հետ գիշերային բախումներից հետո, որը հաջորդել է սերբ նախկին ոստիկանի ձերբակալությանը՝ իշխանությունների եւ Կոսովոյի սերբ փոքրամասնության միջեւ լարվածության աճի ֆոնին, հայտնում է Reuters լրատվական գործակալությունը:
Այսօր բեռնատարներն ու այլ ծանր տեխնիկան շարունակել են փակել Սերբիայի հետ սահմանային երկու անցակետ տանող մի քանի հիմնական ճանապարհներ: Երկու անցումներն էլ փակ են եղել երթեւեկության համար։
Հիշեցնենք, որ Հյուսիսային Կոսովոյի համայնքապետարանների սերբ քաղաքապետերը, տեղի դատավորների եւ մոտ 600 ոստիկանների հետ միասին, անցյալ ամիս հրաժարական են տվել՝ ի նշան բողոքի՝ Բելգրադի թողարկված ավտոմեքենաների համարանիշները Պրիշտինայի համարանիշներով փոխարինելու կառավարության որոշման դեմ:
