Ուկրաինայում ռազմական գործողությունների տեմպերն առաջիկա ամիսներին կնվազեն: Ասել է ԱՄՆ-ի Ազգային հետախուզության տնօրեն Էվրիլ Հեյնսը: Նրա խոսքով, այս ընթացքում ուկրաինացի և ռուս զինվորականները կփորձեն վերազինվել և համալրվել՝ նախապատրաստվելով գարնանը հակահարձակմանը:

«Մենք բավականաչափ թերահավատություն ունենք այն հարցում, թե արդյոք ռուսներն իրականում պատրաստ կլինեն դա անել: Կարծում եմ՝ ուկրաինացիներն այս ժամանակահատվածում ավելի լավատես են»,- ասել է Հեյնսը:

Նա նաեւ նշել է, որ Չինաստանից Ռուսաստան ռազմական օգնություն դեռ չի եղել, սակայն Պեկինը աջակցում է Մոսկվային միջազգային հարթակներում։️ Ռուսաստանը հնարավորություն չունի արտադրել այն բարձր ճշգրտության հրթիռները, որոնք այժմ կիրառում են։