Ուկրաինայում կարտադրվեն Բայրաքթարներ. Էրդողանը ժամկետներ է նշել
Թուրքիայի նախագահ Ռեջեփ Թայիփ Էրդողանը հայտնել է, թե երբ կսկսվի Bayraktar Kızılelma անօդաչու կործանիչի արտադրությունը, գրում է Anadolu-ն։
«Kızılelma հայրենական անօդաչու կործանիչի սերիական արտադրությունը կսկսվի 2023 թվականի վերջին», - ասել է Թուրքիայի ղեկավարը։
Bayraktar Kızılelma-ն, որը հագեցած է ռեակտիվ շարժիչով, առաջին անգամ ներկայացվել է 2022 թվականի օգոստոսին Սամսուն քաղաքում։ Այն ցուցադրվել է Teknofest Karadeniz ավիատիեզերական փառատոնում։
Այնուհետեւ արտադրական ընկերության գլխավոր տնօրեն Հալուք Բայրաքթարն ասել է, որ իրենք մտադիր են կործանիչն արտադրել Ուկրաինայում կառուցվող գործարանում։