Մոտ 10 մարդ է անհետացել իտալական կուրորտային կղզում սկսված սողանքի պատճառով
Մոտ 10 մարդ անհետացել է իտալական կուրորտային Իսկիա կղզում տեղի ունեցած սողանքի հետևանքով։ Այս մասին գրում է RTVI-ը։
Օրեր տևած հորդառատ անձրևներից հետո հեղեղումներ են սկսվել, եղել են փլուզումներ։
Փրկարարական աշխատանքները համակարգում է Նեապոլի պրեֆեկտուրան։ Նշվում է, որ տեղի բնակչությունը տարհանվել է այն շրջաններից, որտեղ վտանգը պահպանվում է։ Իսկիա կղզում, որը գտնվում է Նեապոլից մոտ 30 կմ հեռավորության վրա, այժմ աշխատում է մոտ 70 փրկարար։
«Փրկարարական գործողությունն իրականացնելիս կան որոշ դժվարություններ, քանի որ եղանակային պայմանները դեռևս բարդ են», - Հռոմում կայացած մամուլի ասուլիսում լրագրողներին ասել է Իտալիայի ՆԳ նախարար Մատեո Պիանտեդոսին։
