Իլոն Մասկը աշխատանքից ազատել է Twitter-ի աշխատակիցների կեսից ավելիին
Ձեռնարկատեր և Twitter սոցիալական ցանցի սեփականատեր Իլոն Մասկը էլ ավելի շատ աշխատակիցների աշխատանքից կազատի ընկերության վաճառքի բաժնից։ Այս մասին հայտնում է Bloomberg-ը։
Գործակալության տվյալներով՝ կիրակի կրկին սկսվել է կրճատումների շարքը։ Աղբյուրների համաձայն՝ Մասկը կրճատում է ընկերության աշխատակիցներին, որ հավասարակշռության բերի անձնակազմի մնացած մասը։
Աղբյուրներից մեկը հավաստիացրել է, որ Twitter-ն այժմ ունի մոտ 2750 աշխատակից։ Մինչ սեփականատիրոջ փոփոխությունը, ընկերության աշխատակիցների թիվը յոթ հազարից ավելի էր։
Նոյեմբերի 20-ին Twitter սոցիալական ցանցը վերականգնել է ԱՄՆ նախկին նախագահ Դոնալդ Թրամփի հաշիվը։ Պետության նախկին ղեկավարի բաժանորդների թիվը կտրուկ աճել է:
