Հայաստանում ընդդիմություն չկա, դրանք բոլորը Ալիևի գործակալներ են. ՔՊ-ական պատգամավոր
«ՔՊ» խմբակցության պատգամավոր, ՊՆ նախկին փոխնախարար Գագիկ Մելքոնյանը 24TV-ի եթերում, խոսելով ընդդիմադիրների ԱԺ վերադառնալու մասին, ասել է․
«Ընդդիմադիրները թռչունների նման են՝ գալիս են ու հետո չվում են տաք երկրներ։ Հայաստանում ընդդիմություն չկա, դրանք բոլորը ռուսական հինգերորդ շարասյուն են ու Ալիևի գործակալները։ Մի տարի առաջ, որ ասում էին՝ վարչապետը գնում է Մոսկվա՝ թղթերը ստորագրելու, ես նոր եմ հասկաում, որ նախօրոք «Զատուլիններն» իրենց խաբար էին տալիս, թե ինչ է լինելու»։
Պատգամավորը նաև անդրադարձել է ստորագրվելիք խաղաղության պայմանագրին․ «Հայաստանի և Ադրբեջանի միջև խաղաղություն հնարավոր է, բայց ոչ այս տարի։ Ներկայումս Ալիևն էլ շփոթված է ու չի կողմնորոշվում, թե ինչ անի, քանի որ միջանցք է ուզում, իսկ վարչապետ Փաշինյանն էլ չի տալիս»։
