ՌԴ քանի քաղաքացի է մոբիլիզացիայից հետո հաստատվել Վրաստանում
Վրաստանի նախագահ Սալոմե Զուրաբիշվիլին հայտարարել է, որ Ռուսաստանի Դաշնությունում մասնակի զորահավաքի մասին հայտարարությունից հետո իրենց երկրում ավելի քան 100 հազար ռուս է հաստատվել։
Նա նշել է, որ 2022 թվականի սեպտեմբերի 21-ից ռուս-վրացական սահմանը հատել է 700 հազար ՌԴ քաղաքացի, որոնցից 600 հազարը հետագայում մեկնել է եվրոպական երկրներ, Թուրքիա կամ Հայաստան։
Վրացական ոչ կառավարական կազմակերպության տվյալներով, ավելի քան 45 հազար ռուսաստանցի բանկային հաշիվներ է բացել Վրաստանում։