Թուրքիան արգելել է ռուսական որոշ ինքնաթիռների թռիչքն իր տարածքով
Թուրքիայի իշխանություններն արգելել են ռուսական որոշ ինքնաթիռների թռիչքն իրենց օդային տարածքով։
Այս մասին գրում է РБК-ն՝ հղում անելով Pegas Touristik տուրօպերատորի գործադիր տնօրեն, Nordwind ավիաընկերության տնօրենների խորհրդի անդամ Աննա Պոդգորնայային և ռուսական երկու ավիափոխադրողների աղբյուրներին։
Պոդգորնայան հաստատել է, որ Անկարան արգելել է կրկնակի գրանցումով ռուսական ինքնաթիռների թռիչքները։ Միջոցառումն ուժի մեջ է մտել նոյեմբերի 1-ից։
Դա կանդրադառնա, օրինակ, դեպի Եգիպտոս թռիչքների վրա։ Թռիչքի տևողությունը դեպի Եգիպտոսի հանգստավայրեր ավելացել է 20-30 րոպեով։ Հաղորդվում է, որ դա չի ազդել թռիչքների գնի վրա։ Պոդգորնայան հավելել է, որ թռիչքների թիվը չի կրճատվել։
