«Անցել է երկու տարի, որքա՞ն պետք է սպասենք». Ալիև
Զանգեզուրի միջանցքը Հայաստանի պարտավորությունն է, այս մասին հայտարարել է Ադրբեջանի նախագա Իլհամ Ալիևը։
«Երկու տարի մենք ձեռք չենք տվել Լաչինով Հայաստանից Ղարաբաղ գնացող ու հետ վերադարձող մեքենաներին։ Մենք հավատարիմ ենք մեր պարտավորություններին` ապահովելով ազատ տեղաշարժը։ Հայաստանը պարտավորվել է ապահովել կապը Ադրբեջանի արևմտյան շրջանների և Նախիջևանի միջև։ Անցել է երկու տարի, չկա երկաթգիծ, ճանապարհ։ Որքա՞ն պետք է սպասենք»,- նշել է նա։
Հիշեցնենք, որ Հայաստանի իշխանությունները բազմիցս հայտարարել են՝ ստորագրված փաստաթղթում Զանգեզուրի միջանցքի մասին որևէ կետ չկա և հայկական կողմը պատրաստ է թույլ տալ, որ ադրբեջանական մեքենաները երթևեկեն մեր տարածքով, սակայն Ալիևը շարունակում է իրականությունը խեղաթյուրող հայտարարություններ անել։
«Հայաստանը պատրաստ է ճանապարհ տրամադրել, բացել ճանապարհներն, այսինքն գոյություն ունեցող բոլոր ճանապարհները տրամադրել, որպեսզի և՛ Ադրբեջանը, և՛ Թուրքիան երթևեկելու համար օգտվեն այդ ճանապարհներից: Բայց բոլոր այդ ճանապարհները լինելու են Հայաստանի սուվերեն վերահսկողության տակ ու այս առումով մենք և՛ հրապարակային ենք խոսել, և՛ մեր գործընկերներին ենք սրա մասին ասել»,- հայտարարել էր Անվտանգության խորհրդի քարտուղար Արմեն Գրիգորյանը:
