Վրաստանին դուր չի եկել Ուկրաինային և Մոլդովային ԵՄ անդամի թեկնածուի կարգավիճակի շնորհումը
Վրաստանի նախագահ Սալոմե Զուրաբիշվիլին դժգոհություն է հայտնել Ուկրաինային և Մոլդովային Եվրամիության անդամակցության թեկնածուի կարգավիճակ շնորհելու հարցում։ Այս մասին հայտնում է ТАСС-ը։
Նա նշել է, որ Վրաստանը վաղուց է ձգտում դառնալ պետությունների միության մաս, բայց միևնույն ժամանակ իրեն խոստացել են միայն հեռանկարներ։
«Վրաստանը մեծ հիասթափություն ապրեց Ուկրաինային և Մոլդովային թեկնածուի կարգավիճակ տալու գործընթացում։ Մենք այնքան եվրոպացի ենք և արդեն այնքան վաղուց, որ ինչ-որ պահի պետք է միանանք այս եվրոպական ընտանիքին»,- ասել է նա։
Երկրի ղեկավարը հորդորել է ժամանակ չկորցնել և Վրաստանին տրամադրել ԵՄ անդամակցության թեկնածու երկրի կարգավիճակ։
