Մի շարք կոսմետիկ ապրանքանիշեր կվերադառնան Ռուսաստան
Lancome, Yves Saint Laurent և Giorgio Armani կոսմետիկ ապրանքանիշերը պատրաստ են վերադառնալ ռուսական շուկա։ Այս մասին հայտնում է РИА Новости-ն՝ հղում անելով արդյունաբերության և առևտրի նախարարության մամուլի ծառայությանը։
Հստակեցվում է, որ նախարարությունը արգելելու է ֆիրմային ապրանքների զուգահեռ ներմուծումը` մատակարարումների վերսկսման պատճառով։
«Այո, այդ ապրանքանիշերը ներառված են բացառությունների մեջ, և, համապատասխանաբար, դրանց զուգահեռ ներմուծում հնարավոր չէ»,- ընդգծել են մամուլի ծառայությունից։
Միևնույն ժամանակ, նրանք, ովքեր ձեռք են բերել կոսմետիկա և օծանելիք, կկարողանան դրանք Ռուսաստանի տարածք բերել պատվերի հրապարակման օրվանից երեք ամսվա ընթացքում, հավելել են արդյունաբերության և առևտրի նախարարությունից։
