Իլոն Մասկը կոչ է անում քվեարկել հանրապետականների օգտին
Ամերիկացի գործարար և Twitter-ի նոր սեփականատեր Իլոն Մասկը «ազատ մտածող ընտրողներին» երկուշաբթի կոչ է արել ԱՄՆ Կոնգրեսի առաջիկա ընտրություններում քվեարկել հանրապետականների օգտին բարձրագույն իշխանություններում կուսակցական հավասարակշռություն հաստատելու համար, հայտնում է ՏԱՍՍ-ը։
«Իշխանության բաժանումը զսպում է երկու կողմերի վատագույն ծայրահեղությունները, ուստի խորհուրդ եմ տալիս քվեարկել հանրապետականների օգտին՝ հաշվի առնելով այն փաստը, որ նախագահի կաբինետը կազմված է դեմոկրատներից»,- գրել է Մասկը Twitter-ի իր էջում։
Կոնգրեսի միջանկյալ ընտրությունները տեղի կունենան նոյեմբերի 8-ին։ Ընտրվելու է Ներկայացուցիչների պալատի ամբողջ կազմը և Սենատի անդամների մեկ երրորդը։ Հանրապետականներն ակնկալում են մեծամասնություն ստանալ երկու պալատներում:
