Պետական աշխատողները պարգևավճարի փոխարեն կստանան բարձր աշխատավարձ․ նախարար
Կառավարությունը 2023թ-ի հունվարի 1-ից նվազագույն աշխատավարձը բարձրացնելու մասին օրենքի նախագիծ է բերել ԱԺ, դրան համապատասխան կավելանա նաև բազային աշխատավարձը։ Այս մասին լրագրողների հետ ճեպազրույցի ընթացքում ասաց Ֆինանսների նախարար Տիգրան Խաչատրյանը։
«Այդ բազային աշխատավարձերը մասամբ ֆինանսավորվում են զուտ այն ավելացումների հաշվին, որը կառավարությունը կգումարի աշխատավարձի ֆոնդին։ Մի մասը, որը անցյալում պարգևավճար է կոչվել, կվերահաշվարկվի որպես աշխատավարձ։ Այսինքն, այն ինչ մենք կոչում էինք պարգևավճար, կլինի հանրային ծառայողների աշխատավարձի մի մասը։ Պետական ծառայողները ստանալու են ավելի շատ, քան առաջ են ստացել, և նախկինում ստացածի մի մասը, որ կոչվում էր պարգևավճար, այսուհետ կկոչվի աշխատավարձ»,- ասաց նախարարը։
