Ժոզեպ Բորելը հայտնել է, որ «Հյուսիսային հոսքերի» պայթյունին ներգրավվածների մասին տեղեկություն չունի

Եվրոպական դիվանագիտության ղեկավար Ժոզեպ Բորելը տվյալներ չունի «Հյուսիսային հոսքերում» արտակարգ իրավիճակին ներգրավվածների մասին: Նա ասել է, որ Եվրամիությունն այդ կապակցությամբ ապացույցներ չունի։

Այս մասին գրում է Говорит Москва-ն՝ նշելով, որ Բորելը նման հայտարարություն է արել Լատինական Ամերիկայի,  Կարիբյան ավազանի եւ ԵՄ-ի համայնքի արտգործնախարարների լիագումար նիստից հետո։
 

Nord Stream 1-ում և Nord Stream 2-ում պայթյունները տեղի են ունեցել սեպտեմբերի վերջին։ Մի քանի արտահոսք է գրանցվել Շվեդիայի և Դանիայի բացառիկ տնտեսական գոտիներում։ Դանիան, Շվեդիան և Գերմանիան սկսել են հետաքննություն: ՌԴ-ում միջազգային ահաբեկչության փաստով քրեական գործ է հարուցվել: