ՏԵՍԱՆՅՈՒԹ․ «Ի՞նչ հասկացվեց Պուտինի երեկվա խոսքից»․ Վազգեն Մանուկյանը մեկնաբանում է

Համաձայնագրի ռուսական տարբերակով Արցախի հարցն այժմ չի քննարկվում, թողնվում է հետոյին։ Այս մասին այսօր անցկացվող հայ-ռուսական «Լազարևյան ակումբի» նիստից առաջ լրագրողների հետ զրույցում նշեց ՀՀ նախկին վարչապետ Վազգեն Մանուկյանը։

«Պուտինի երեկվա խոսքից հասկացվեց՝ Արցախի հարցը թողնում է հետոյին, ինչի հետ ես համաձայն եմ», - նշեց Մանուկյանը՝ ավելացնելով, որ հիմարություն է ասելը, որ ՌԴ-ն միջանցք է ուզում, իսկ Թուրքիայի ուզած ամենայուղալի պատառը Սյունիքն ու միջանցքն են։

Նշենք, որ ՌԴ նախագահ Վլադիմիր Պուտինը երեկ հայտարարել է, թե Ռուսաստանը տարիներ շարունակ Հայաստանին առաջարկել է Ղարաբաղի հարցը լուծել՝ Բաքվին հանձնելով հինգ շրջան, որտեղից մարդիկ են հեռացել և դատարկ թողել, բայց հայկական կողմն  իր սեփական  ճանապարհով է գնացել, իսկ «դա հանգեցրել է այն իրավիճակին, որը ստեղծվել է այսօրվա դրությամբ»:

Մանրամասները՝ տեսանյութում