«Կիևում էլեկտրաէներգիայի դեֆիցիտը հասնում է 50 տոկոսի». Կլիչկո
Կիևում էլեկտրաէներգիայի դեֆիցիտը հասնում է 50 տոկոսի, հայտարարել է Ուկրաինայի մայրաքաղաքի քաղաքապետ Վիտալի Կլիչկոն «Կիև» հեռուստաալիքի եթերում: Տեղեկատվությունը փոխանցում է ՌԻԱ Նովոստին:
«Այսօրվա դրությամբ մեր քաղաքում էլեկտրաէներգիայի դեֆիցիտը տատանվում է 25 տոկոսից մինչեւ 50 տոկոս», - հայտարարել է Կիևի քաղաքապետը:
Վիտալի Կլիչկոյի խոսքով՝ ինքը մեկնաբանություններ է ստացել, որոնց համաձայն ՝ մայրաքաղաքի էլեկտրամատակարարումը կարող է վերականգնվել երկու-երեք շաբաթվա ընթացքում։
Հիշեցնենք` ավելի վաղ «Կիևի տարածաշրջանային էլեկտրացանցեր» ընկերությունը հայտնել էր, որ Կիևում աննախադեպ սահմանափակումներ են մտցվել էներգահամակարգում առաջացած վնասների պատճառով:
