«Առաջիկա մի քանի շաբաթների համար կա հստակ տեսլական». Բելառուսից խոսել են հայ-ադրբեջանական սահմանին տիրող իրավիճակի մասին
Բելառուսի փոխարտգործնախարար Յուրի Ամբրազևիչը այսօր տեղի ունեցած ՀԱՊԿ Հավաքական անվտանգության խորհրդի արտահերթ նիստից հետո լրագրողների հետ զրույցում ասել է, որ նոյեմբերի վերջին ՀԱՊԿ անվտանգության խորհուրդը լրացուցիչ կքննարկի հայ-ադրբեջանական սահմանին տիրող իրավիճակի հարցը։
«Առաջիկա մի քանի շաբաթների համար կա հստակ տեսլական, թե այս հարցը հետագայում ինչպես կդիտարկվի»,– ասել է Բելառուսի փոխարտգործնախարարը և հիշեցրել, որ հոկտեմբերի 31-ին նախանշված է Հայաստանի, Ադրբեջանի և Ռուսաստանի ղեկավարների եռակողմ հանդիպումը։
Յուրի Ամբրազևիչը նշել է, թե կողմերը պայմանավորվել են, որ հարցը հետագայում կքննարկվի նաև ՀԱՊԿ Հավաքական անվտանգության խորհրդի նիստում, որը նախատեսված է նոյեմբերի վերջին։
