«Այժմ մարդկության համար երկու ճանապարհ կա». Պուտին
ՌԴ նախագահ Վլադիմիր Պուտինը «Վալդայ» ակումբի լիագումար նիստի ժամանակ ասել է, թե մարդկությունը ներկայումս երկու ճանապարհ ունի, ապա պարզաբանել է իր խոսքերը: ՌԴ նախագահի խոսքերով մարդկությունը կարող է շարունակել խնդիրներ կուտակելը կամ փորձել լուծումներ գտնել:
«Այժմ մարդկության համար, ըստ էության, երկու ճանապարհ կա՝ կա՛մ շարունակել կուտակել խնդիրների բեռը, որն անխուսափելիորեն կջախջախի մեզ բոլորիս, կա՛մ ամեն դեպքում փորձենք միասին լուծումներ գտնել: Ճանապարհն իդեալական չէ, բայց աշխատող է»,- ասել է ՌԴ ղեկավարը՝ ընդգծելով, որ ներկայիս ճգնաժամը ստացել է համաշխարհային բնույթ և վերաբերում է բոլորին։
