«Մեր երկրները հասկացրել են»․ Բրիտանիան, Ֆրանսիան և ԱՄՆ-ն՝ «կեղտոտ ռումբի» հնարավոր օգտագործման մասին
Մեծ Բրիտանիայի և Ֆրանսիայի ԱԳ նախարարներ Ջեյմս Քլիվերլին և Կատրին Կոլոննան, ինչպես նաև ԱՄՆ պետքարտուղար Էնթոնի Բլինքենը հայտարարել են, որ իրենց երկրները մերժում են Ռուսաստանի պնդումներն այն մասին, որ Ուկրաինան պատրաստվում է իր տարածքում, այսպես կոչված, «կեղտոտ ռումբ» կիրառել:
«Մեր երկրները հասկացրել են, որ մենք բոլորս մերժում ենք Ռուսաստանի բացահայտ կեղծ պնդումներն այն մասին, որ Ուկրաինան պատրաստվում է կեղտոտ ռումբ օգտագործել իր հողի վրա: Աշխարհը ճանաչում է այդ պնդումները որպես էսկալացիայի պատրվակ օգտագործելու Ռուսաստանի ցանկացած փորձ»,- ասվում է բրիտանական կառավարության կայքում հրապարակված համատեղ հայտարարության մեջ։
Ավելի վաղ ՌԴ պաշտպանության նախարար Սերգեյ Շոյգուն ԱՄՆ-ի, Ֆրանսիայի և Թուրքիայի իր գործընկերներին մտահոգություն էր հայտնել Կիևի կողմից «կեղտոտ ռումբի» հնարավոր կիրառման կապակցությամբ։
