«Դժվար է հավատալ, որ Կրասովսկին անկեղծորեն համարել է, որ պետք է երեխաներին վառել, խեղդել»․ Մարգարիտա Սիմոնյան

Russia Today հեռուստաընկերությունը դադարեցրել է համագործակցությունը ռուսերենով հեռարձակման տնօրեն Անտոն Կրասովսկու հետ, ուկրաինացի երեխաների վերաբերյալ իր խոսքերից հետո, հայտարարել է Russia Today հեռուստաընկերության ղեկավար Մարգարիտա Սիմոնյանը:

Իր Տետելեգրամ ալիքում Սիմոնյանը Կրասովսկու հայտարարությունները զազրելի է որակել:

«Ո՛չ ես, ո՛չ կոլեկտիվի մնացած մասը չենք կարող թույլ տալ, որ ինչ-որ մեկի մտքով անգամ անցնի, որ մենք կարող ենք կիսել նման վայրենի անհեթեթությունը», - գրել է Սիմոնյանը, հավելելով, որ «դժվար է հավատալ, որ Կրասովսկին անկեղծորեն համարել է, որ պետք է երեխաներին վառել, խեղդել»։

Ուկրաինայի արտգործնախարար Դմիտրի Կուլեբան Թվիթերում ռուսական RT հեռուստաընկերության եթերից մի հատված է տեղադրել, որում հաղորդավար Անտոն Կրասովսկին հայտարարում է, թե «Ուկրաինա ընդհանրապես չպետք է գոյություն ունենա», և «պետք է վառել, խեղդել ուկրաինացի երեխաներին, որ կարծում են, թե Ռուսաստանն օկուպացրել է Ուկրաինայի տարածքը»: