ԱՄՆ-ում հայտնել են ռուսական «գաղտնի զենքի» մասին
Սև ծովում ուկրաինացի դիվերսանտների դեմ պայքարելու համար Ռուսաստանը կարող է օգտագործել մարտական դելֆիններ: Ռուսական կողմի «գաղտնի զենքի» մասին հայտնել է փորձագետ Բլեյք Սթիլվելը 19Fortyfive-ի իր հոդվածում։
Սթիլվելը, հղում անելով ԱՄՆ ռազմածովային ինստիտուտի տվյալներին, ընդգծել է, որ հատուկ վարժեցված կենդանիները հաջողությամբ օգտագործվում են ստորջրյա ականները հայտնաբերելու համար։
Նրա խոսքերով՝ դիվերսանտներին և հատուկ ջոկատայիններին նավահանգիստներից հեռու պահելը բարդ խնդիր է, որը պահանջում է մշտական զգոնություն կամ ժամանակակից ռազմական տեխնոլոգիաներ:
«Այս իրավիճակում ի՞նչը կարող է համեմատվել այն կենդանու հետ, որը միշտ գիտակից է, նույնիսկ քնած ժամանակ», - գրել է նա:
Ավելի վաղ ՄԱԿ-ում Իրանի մշտական ներկայացուցիչ Ամիդ Սաիդ Իրավանին կտրականապես հերքել էր արևմտյան երկրների մեղադրանքները Ռուսաստանին անօդաչու թռչող սարքեր տրամադրելու մասին: Իրավանին նշել էր, որ Իրանը իր զենքերից ոչ մեկը, ներառյալ անօդաչու թռչող սարքերը, չի արտահանում որևէ երկիր՝ համաձայն 2231 բանաձևի Բ հավելվածի 4-րդ կետի։
