ԱՄՆ-ն զգուշացրել է՝ պատժամիջոցներ կկիրառի Իրանի դեմ
ԱՄՆ-ն պատրաստ է աշխատել իր դաշնակիցների հետ և սահմանափակող միջոցներ կիրառել, որպեսզի թույլ չտա Իրանին «վտանգավոր զենքեր» փոխանցել Ռուսաստանին, այս մասին հայտնել է ԱՄՆ Պետդեպարտամենտի մամուլի ծառայությունը։
«Մենք հանձնառու ենք աշխատել դաշնակիցների և գործընկերների հետ՝ կանխելու համար վտանգավոր զենքի փոխանցումը Ռուսաստան: Մենք չենք վարանի պատժամիջոցներ և այլ գործիքներ կիրառել բոլոր նրանց նկատմամբ, ովքեր ներգրավված են այդ մատակարարումների մեջ», - նշել են Պետդեպարտամենտից` անդրադառնալով Իրանի կողմից ռուսական անօդաչու թռչող սարքերի ենթադրյալ մատակարարումների վերաբերյալ պնդումներին, գրում է «ՏԱՍՍ»-ը:
ԱՄՆ ԱԳՆ-ն էլ հավելել է, որ Վաշինգտոնը «կշարունակի մեծացնել Ուկրաինային օգնությունն անվտանգության, այդ թվում՝ հակաօդային պաշտպանության ոլորտում, որպեսզի Ուկրաինան կարողանա պաշտպանվել նման զենքերից»։
Ավելի վաղ ՄԱԿ-ի Անվտանգության խորհուրդը փակ նիստ է անցկացրել, որտեղ մեղադրանքներ են հնչել Իրանի կողմից Ռուսաստանին անօդաչու թռչող սարքեր մատակարարելու վերաբերյալ։
Լրագրողների հետ զրույցում ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին և ՄԱԿ-ում Իրանի մշտական ներկայացուցիչ Ամիդ Իրավանին հայտարարել են, որ և՛ Մոսկվան, և՛ Թեհրանը կտրականապես մերժում են արևմտյան երկրների մեղադրանքները։
