Ադրբեջանը պարտավոր է պաշտպանել հայ գերիներին. Հաագայի դատարան

ՄԱԿ-ի Արդարադատության միջազգային դատարանն արձանագրել է, որ Ադրբեջանը պարտավոր է պաշտպանել 2022թ–ի սեպտեմբերին ադրբեջանական ագրեսիայի հետևանքով գերեվարված հայ գերիներին։

Հաագայի դատարանը որոշումն ընդունել է 2022թ–ի հոկտեմբերի 7-ին` ի պատասխան Հայաստանի խնդրանքի, որով հայկական կողմը պահանջել էր փոփոխություններ կատարել «Հայաստանն ընդդեմ Ադրբեջանի գործով» 2021 թվականի դեկտեմբերի 7-ին Ադրբեջանի նկատմամբ կիրառված միջանկյալ միջոցի մասին նախորդ որոշման մեջ։

Միջազգային իրավական հարցերով ՀՀ ներկայացուցչի գրասենյակից հայտնում են, որ հոկտեմբերի 12-ի որոշմամբ Արդարադատության միջազգային դատարանն արձանագրել է, որ 2021 թվականի դեկտեմբերի 7-ի որոշումից հետո Ադրբեջանը հայ գերիների նկատմամբ շարունակում է նույն քաղաքականությունը, որի հետևանքով էթնիկ հայերը «շարունակում են մնալ անվերականգնելի վնասի ենթարկվելու լուրջ վտանգի առջև»։