ՏԵՍԱՆՅՈՒԹ․ Ռուսաստանի ՔԿ-ն կադրեր է հրապարակել Ղրիմի կամրջի վրա տեղի ունեցած պայթյունի հատվածից

Ռուսաստանի ՔԿ տեսանյութ է հրապարակել Ղրիմի կամրջի վրա տեղի ունեցած պայթյունի վայրից և հայտնում, որ այս րոպեներին քննիչներն աշխատում են:

Ավելի վաղ հայտնի դարձավ, որ Ղրիմի կամրջի վրա տեղի ունեցած պայթյունի հետևանքով երեք մարդ է զոհվել։ 

«Բեռնատարի պայթյունի ժամանակ ընթացող մարդատար ավտոմեքենայի ուղևորներն են զոհերը: Դիերը դուրս են բերվել ջրից»,- ասվում էր ՌԴ Քննչական կոմիտեի հայտարարության մեջ։ 

Հիշեցնենք, որ այսօր  Ազգային հակաահաբեկչական կոմիտեն հայտնել էր, որ վաղ առավոտյան Ղրիմի կամրջի վրա բեռնատար է պայթել, ինչի հետևանքով գնացքի վառելիքի յոթ բաքերում հրդեհ է բռնկվել։ Կամուրջի երկու ավտոմոբիլային բացվածքների մասնակի փլուզում է տեղի ունեցել։ 

Կամուրջի ցամաքային հատվածի կամարը վնասված չէ։