Փաշինյանի հետ հանդիպումն անցել է բարեկամական մթնոլորտում. Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ Պրահայում Հայաստանի վարչապետ Նիկոլ Փաշինյանի հետ իր հանդիպումն անցել է «բարեկամական մթնոլորտում», հայտնում է Daily Sabah-ը։
Մամուլի ասուլիսի ժամանակ Էրդողանն ասել է, որ Թուրքիան և Հայաստանը «կարող են հասնել լիարժեք կարգավորման՝ տարածաշրջանում բարիդրացիական հարաբերությունների հիման վրա»։
Նա նշել է, որ կողմերի միջև հանդիպումները շարունակվում են հատուկ ներկայացուցիչների մակարդակով։
Նրա խոսքով` «Թուրքիան նախապայմաններ չունի լիարժեք կարգավորման համար, Անկարան ակնկալում է, որ Երեւանն ու Բաքուն կկարգավորեն իրենց խնդիրները եւ կհասնեն խաղաղության համաձայնագրի»։
