Սուտ է, չկա նման բան. Էլբակյանը` Փաշինյանի Արցախի վերաբերյալ հայտարարության մասին
Քաղաքագետ Էդգար Էլբակյանը, անդրադառնալով այսօր Ազգային ժողովում վարչապետ Նիկոլ Փաշինյանի հայտարարությանը, մասնավորապես կեղծ է համարել Փաշինյանի այն պնդումը, թե իբր Մադրիդյան սկզբունքների ճանաչմամբ Հայաստանը 2007 թ․-ին Արցախը ճանաչել է Ադրբեջանի մաս։
«Չկա նման բան։ Մադրիդյան դրույթներում արձանագրվել է ինքնորոշման իրավունքի սկզբունքը, որը նշանակում էր Լեռնային Ղարաբաղի ժողովրդի ճանաչում՝ որպես պետականաստեղծ սուբյեկտ, որը կարող է ինքնորոշվել, բնականաբար՝ Ադրբեջանի կազմից դուրս»,- ասել է Էլբակյանը` հավելելով, թե Նիկոլ Փսաշինյանին անգամ օտար ղեկավարներն են ասել, որ Իլհամ Ալիևը հասկանում է, որ Արցախը նախկին սահմաններով այլևս չի կարող լինել Ադրբեջանի կազմում։
Էլբակյանը հղում է արել բանակցային պատմության մասին «Հայկական նախագծի» մասնագետների ծավալուն զեկույցին:
