«Իմ ուղերձը ռուսներին, ինչպես նախկինում, սա է՝ վաղը միայն ավելի վատ է լինելու». Պետդեպարտամենտի ներկայացուցիչ

Պետդեպարտամենտից բացատրել են, թե ինչու ԱՄՆ-ը չի ցանկանում Ռուսաստանին ճանաչել որպես ահաբեկչությանը հովանավորող պետություն:

Վաշինգտոնի նպատակը ոչ թե Մոսկվային այս կամ այն ​​«բացասական պիտակը» կպցնելն է, այլ Ուկրաինայում Մոսկվայի ռազմավարական պարտության հասնելը։ Այս մասին Ukrinform-ին տված հարցազրույցում ասել է ԱՄՆ Պետդեպարտամենտի պատժամիջոցների համակարգման գրասենյակի ղեկավարը։ Նա հավելել է, որ հացահատիկի գործարքի վերաբերյալ ռուսական կողմի դիրքորոշումը «ապակողմնորոշիչ է»։

Գրասենյակի ղեկավարը նշել է նաև, որ ԱՄՆ-ը կշարունակի աշխատել Ռուսաստանի դեմ նոր պատժամիջոցների ներդրման ուղղությամբ՝ կապված Ուկրաինայի իրադարձությունների հետ։ 

«Իմ ուղերձը ռուսներին, ինչպես նախկինում, սա է՝ վաղը միայն ավելի վատ է լինելու», - ասել է նա։ 

Նա հատկապես զգուշացրել է նրանց, «ովքեր որոշել են գնալ Կրեմլի գծին աջակցելու ճանապարհով»։ Պետդեպարտամենտի ներկայացուցչի խոսքով՝ մշակվում է պատժամիջոցների նոր փաթեթ։