ՏԵՍԱՆՅՈՒԹ. Սաստիկ անտառային հրդեհ է մոլեգնել Կալիֆոռնիայում. կան տուժածներ և տարհանվածներ

Կալիֆոռնիայում մի քանի օր է՝ մոլեգնում է սաստիկ անտառային հրդեհը՝ ութ հրշեջ վիրավորվել է, կրակը շարունակում է տարածվել: Այս մասին գրում է Readovka-ն:
 

Ավելի քան 2000 հեկտար անտառ է այրվում Լոս Անջելեսի մերձակայքում գտնվող Հյուզ լճի մոտ: Նշվում է, որ հրշեջներին չի հաջողվում մարել կրակը, թեև մարման աշխատանքներում ներգրավված է 360 մարդ և 15 ուղղաթիռ: Նշվում է, որ մինչ այժմ հրդեհը հնարավոր է եղել տեղայնացնել տարածքի միայն 12%-ում։ 

Տեղական լրատվամիջոցների փոխանցմամբ՝ մարման ժամանակ տուժել է ութ հրշեջ, նրանցից վեցը բժշկական օգնության կարիք է ունեցել, նրանք այրվածքներով ու ջերմային հարվածով տեղափոխվել են հիվանդանոց։
 

Իշխանությունները կարգադրել են տարածքի բնակիչներին տարհանել դեպի հյուսիս։ Փորձագետները կարծում են, որ հրդեհի պատճառ է դարձել տարածաշրջանի անոմալ շոգը։ Բացի այդ, ուժեղ ծխի պատճառով մայրուղին երկու ուղղություններով էլ արգելափակված է։ Հրդեհին հատկացվել է հինգերորդ կարգ։