Թուրքիան քննադատել է ՄԱԿ-ի Գլխավոր ասամբլեայի ղեկավարին՝ Հայոց ցեղասպանության զոհերի հուշահամալիր այցի համար
Թուրքիայի ԱԳՆ-ն քննադատել է ՄԱԿ-ի Գլխավոր ասամբլեայի ղեկավար Աբդուլլահ Շահիդին՝ Հայոց ցեղասպանության զոհերի հուշահամալիր այցելելու համար:
Անկարայում հերթական անգամ հայտարարել են «պատմական փաստերը խեղաթյուրելու փորձերի մասին»։
Այսօր ավելի վաղ հայտնել էինք, որ Շահիդը, որը այս օրերին Հայաստանում է, գրառում էր արել Ծիծեռնակաբերդ այցի մասին, սակայն որոշ ժամանակ անց ջնջել էր այն:
Գրառման մեջ ՄԱԿ-ի Գլխավոր ասամբլեայի ղեկավարը հիշատակել էր Հայոց ցեղասպանության մասին:
