Ուկրաինայի զինված ուժերի ղեկավարը ոչ թե Զելենսկին է, այլ կոլեկտիվ Արևմուտքը. Խերսոնի պաշտոնյա

Խերսոնի շրջանի վարչակազմի ղեկավարի տեղակալ Կիրիլ Ստրեմուսովը մեղադրել է արևմտյան երկրներին Ուկրաինայում նպատակաուղղված էսկալացիայի մեջ։
Ավելի վաղ ՌԴ ԱԳ նախարար Սերգեյ Լավրովը «Իզվեստիա» թերթի համար իր հոդվածում գրել էր, որ ՆԱՏՕ-ի MLRS գնդացրորդներն արդեն, ըստ ամենայնի, ուղղորդում են ուկրաինացի զինվորականների գործողությունները «գետնի վրա» և հույս հայտնել, որ Եվրոպան կհասկանա, թե ինչ հետևանքներով  է դա հղի։ 

«Ուկրաինայի զինված ուժերի ղեկավարը ոչ թե Զելենսկին է, այլ կոլեկտիվ Արևմուտքը, որն էլ որոշում՝ հարվածել, թե ոչ»,- ՌԻԱ Նովոստիին ասել է Ստրեմուսովը։ Նրա խոսքով Արեւմուտքը հնարավորինս աջակցում է և առավելագույն պայմաններ է ապահովում որպեսզի հակամարտությունը շարունակվի։
Ուկրաինական զորքերը վերջերս ուժեղացրել են Խերսոնի շրջանում բնակելի հատվածի գնդակոծությունը։ Ամենաշատը տուժել է Նովայա Կախովկա քաղաքը, որտեղ ամերիկյան  հրթիռների հարվածից պայթել են սելիտրայի պահեստները, ավերվել են բնակելի շենքեր և շուկաները, վնասվել է հիվանդանոց, զոհվել և վիրավորվել են հարյուրավոր մարդիկ։