ՏԵՍԱՆՅՈՒԹ. Իտալիայում ոստիկանները սխալմամբ բռնել են «Միլանի» ֆուտբոլիստին՝ վերջինիս շփոթելով կասկածյալի հետ
Իտալիայում ոստիկանությունը պատահաբար բռնել է «Միլանի» ֆուտբոլիստ Տիեմուե Բակայոկոյին՝ վերջինիս շփոթելով այլ անձի հետ:
Ինչպես գրում է RTVI-ը՝ մինչ ֆուտբոլիստը խուզարկվում էր, սպաներից մեկը սպորտսմենի ընկերոջը պահում էր նշանառության տակ:
Իրավապահները արագ բաց են թողել ֆուտբոլիստին՝ հասկանալով, որ սխալվել են: Ըստ լրատվամիջոցի՝ «տեսանյութի վերջում նրանց դեմքի արտահայտությունն անգին է»:
Միլանի ոստիկանությունը ավելի ուշ բացատրել է, որ ֆուտբոլիստը ձերբակալվել է կասկածյալի հետ իր նմանության պատճառով.
«Մենք փնտրում էինք սև ամենագնաց, որի մեջ երկու տղամարդ կար, որոնցից մեկը սևամորթ էր՝ կանաչ շապիկով»:
Միլանում այս միջադեպից առաջ փոխհրաձգություն էր տեղի ունեցել սենեգալցի թմրավաճառների միջև։
Դեպքը տեղի է ունեցել հուլիսի 3-ին, սակայն հայտնի է դարձել հիմա:
