Աֆղանստանից Ուզբեկստանի ուղղությամբ հինգ ռեակտիվ հրթիռ է ընկել
Ուզբեկստանի տարածքում հինգ հրթիռ է ընկել,որոնք ենթադրաբար արձակվել են Աֆղանստանի սահմանից: Այս մասին երեքշաբթի օրը հայտնել է Ուզբեկստանի ԱԳՆ-ն։
Ընկնելիս զինամթերքը չի պայթել, հետևաբար Էական ավերածություններ կամ զոհեր չկան։
«Թերմեզ քաղաքի մահալլա Մաջնունթոլի չորս առանձնատներին աննշան վնաս է հասցվել, հինգերորդ արկը հայտնաբերվել է ֆուտբոլի դաշտում։ Հայտնաբերված արկերը վնասազերծվել են սակրավորական ստորաբաժանման կողմից»,- ասվում է դիվանագիտական ծառայության Telegram ալիքում։
Միջադեպի պատճառները պարզում են Ուզբեկստանի իշխանությունները աֆղանական կողմի հետ միասին, հայտնել են ԱԳՆ-ից։
Նշենք, որ աֆղանական-ուզբեկական սահմանը Ուզբեկստանի արտաքին սահմաններից ամենակարճն է՝ 144 կիլոմետր (89 մղոն) և ձգվում է Թուրքմենստանի հետ սահմանային հանգույցից մինչև Տաջիկստանի հետ սահմանային հանգույց Ամու Դարյա գետով: