«Яндекс.Карта»-ում ջնջվել են երկրների պետական սահմանները
«Яндекс.Карта»-ում ջնջվել են երկրների պետական սահմանները, քանի որ քարտեզն առաջիկայում սառնալու է ֆիզիկաաշխարհագրական՝ շեշտը դնելով բնական օբյեկտների վրա։ Այս մասին հունիսի 9-ին RBC-ին հայտնել են ընկերության մամուլի ծառայությունում։
«Շեշտը դրվելու է բնական օբյեկտների, այլ ոչ թե պետությունների սահմանների վրա», - РБК-ին հայնտել են Yandex-ի մամուլի ծառայությունից։
Ընկերությունը հավելել է, որ ժամանակի ընթացքում քարտեզի վրա ավելի ու ավելի շատ տարրեր կհայտնվեն ֆիզիկական, քան քաղաքական քարտեզների համար՝ լեռնաշղթաներ, բևեռային շրջանների գծեր, ջրամբարներ և այլ բնական օբյեկտներ։ Yandex-ը պարզաբանել է, որ իրենք համարում են իրենց արտադրանքի խնդիրը՝ ցուցադրել շրջապատող աշխարհը և օգնել օգտատերերին գտնել իրենց հետաքրքրող վայրերը, ինչպես նաև կառուցել երթուղիներ։
2014 թվականին քարտեզների առցանց հանրահայտ ծառայությունները, ինչպիսիք են Yandex Maps-ը և Google Maps-ը, բախվեցին այն խնդրին, թե ինչպես ցուցադրել Ղրիմի սահմանները տարբեր երկրների արտադրանքներում: Երկու ընկերություններն էլ ի վերջո որոշեցին, որ Ռուսաստանից օգտատերերի համար նախատեսված քարտեզները կհամապատասխանեն ռուսական օրենսդրությանը, ըստ որի Ղրիմը երկրի մի մասն է:
Ղրիմը միակ տարածքը չէ, որը դժվար է ցուցադրել քաղաքական քարտեզի վրա։ Մասնավորապես, երկրների մեծ մասը չի ճանաչում Հարավային Օսիայի և Աբխազիայի, Դոնեցկի և Լուգանսկի հանրապետությունների անկախ կարգավիճակը։ Նաև վերջերս սրվել է Լեռնային Ղարաբաղի շուրջ վեճը, գրում է RTVI-ը:
Միևնույն ժամանակ, որոշ տարածքներ տասնամյակներ շարունակ ներկայացված են եղել քաղաքական քարտեզների վրա որպես վիճելի և հաճախ երկու տարբեր անուններով: Օրինակներից մեկը Ֆոլկլենդյան (Մալվինյան) կղզիներն են, որոնք իրականում վերահսկվում են Մեծ Բրիտանիայի կողմից, սակայն Արգենտինան վիճարկում է արշիպելագի նկատմամբ բրիտանական իրավունքները և այն համարում է իրենը։
