Ֆինլանդիան Ռուսաստանի հետ սահմանին պատնեշներ կկառուցի

Ֆինլանդիայի իշխանությունները ծրագրում են փոխել սեփական օրենսդրությունը՝ Ռուսաստանի հետ արևելյան սահմանին պատնեշներ կառուցելու թույլտվություն տալու համար։ Այս մասին գրում է Reuters-ը։
 

Ռուսաստանի և Ֆինլանդիայի սահմանային գոտին, որն ունի 1300 կիլոմետր երկարություն, այժմ նշվում է միայն ցուցանակներով և գծերով։
 

Բացի խոչընդոտներ ստեղծելուց, օրենքի փոփոխությունները ենթադրում են, որ քաղաքական ապաստանի դիմումը հնարավոր կլինի միայն մուտքի որոշակի կետերում (այժմ միգրանտները դա կարող են անել Եվրամիության ցանկացած անցակետում): Օրենքը թույլ է տալիս նաև կառուցել նոր ճանապարհներ, որոնց օգնությամբ սահմանապահները կկարողանան ավելի արդյունավետ պարեկել սահմանը։
 

Գործակալության տվյալներով՝ Հելսինկին մտավախություն ունի, որ Ռուսաստանը կարող է մեծ թվով միգրանտներ ուղարկել ռուս-ֆիննական սահման, արհեստականորեն հումանիտար ճգնաժամ ստեղծել և դրանով իսկ ճնշում գործադրել Ֆինլանդիայի վրա, որը ծրագրում է անդամակցել ՆԱՏՕ-ին։

Օրենքի փոփոխություններին կողմ է քվեարկել 124 պատգամավորներից 88-ը, գրում է Yle-ն։ 

Սահմանի ամրացման կողմնակիցներն ընդգծում են, որ պարիսպը չպետք է կառուցվի 1300 կիլոմետրանոց սահմանի երկայնքով, քանի որ նման ծրագիրն անիմաստ ու չափազանց ծախսատար կլինի, և առաջարկում են պարիսպներ տեղադրել միայն «կարիտիկական հատվածներում»: