Այդ ամենից հետո չենք կարող ասել՝ «բարի գալուստ ՆԱՏՕ». Էրդողան
Թուրքիան դեռևս չի աջակցում Շվեդիայի և Ֆինլանդիայի՝ ՆԱՏՕ մտնելուն: Այս մասին հունիսի 8-ին լրագրողների հետ հանդիպման ժամանակ հայտարարել է երկրի նախագահ Ռեջեփ Թայիփ Էրդողանը։
«Շվեդական հեռուստատեսությունը հարցազրույցներ է արել ահաբեկչական խմբավորումների առաջնորդների հետ։ Սրանից հետո չենք կարող ասել՝ «բարի գալուստ ՆԱՏՕ»։ Նույնը վերաբերում է Ֆինլանդիային»,- ասել է Թուրքիայի նախագահը։
Բացի այդ, Էրդողանն ասել է, որ Անկարան չի հավատում, որ Հունաստանում տեղակայված են ամերիկյան ինը ռազմակայաններ՝ հատուկ Ռուսաստանին հակազդելու համար։
