Կաթվածահար է եղել մետրոպոլիտենի բնականոն երթևեկությունը․ հայտարարություն

Քաղաքացիական անհնազանդության ակցիաների շրջանակում կաթվածահար է եղել Կարեն Դեմիրճյանի անվան Երևանի մետրոպոլիտենի բնականոն երթևեկությունը, հայտնում է մետրոպոլիտենի մամուլի ծառայությունը։

Հայտնել էինք, որ մետրոպոլիտենի «Երիտասարդական» կայարանում քաղաքացիներն իրականացրել են անհնազանդության ակցիա՝ խափանելով մետրոպոլիտենի երթևեկությունը։

«Այս պահին մետրոպոլիտենի բոլոր կայարանների դռները փակ են՝ կուտակումներ չառաջացնելու նպատակով»,– ասված է հաղորդագրության մեջ։

Մետրոպոլիտենից խոստանում են` բնականոն աշխատանքին անցնելուն պես տալ լրացուցիչ ինֆորմացիա: