«Մարիուպոլը գտնվում է ռուսական բանակի վերահսկողության տակ»․ Շոյգու
Ռուս զինվորականները վերահսկում են Մարիուպոլը, հայտարարել է ՌԴ պաշտպանության նախարար Սերգեյ Շոյգուն խորհրդակցության ժամանակ: Տեղեկատվությունը փոխանցում ՌԻԱ Նովոստին։
«ԼԺՀ-ում, ԴԺՀ-ում և Ուկրաինայի ՝ ազգայնականներից ազատագրված տարածքներում խաղաղ կյանք է սկսվում ։ Այդ թվում ՝ Մարիուպոլում, որն Ազով ծովի խոշորագույն արդյունաբերական և տրանսպորտային հանգույցն է։ Այն գտնվում է ռուսական բանակի վերահսկողության տակ», - ասել է Շոյգուն։
Հիշեցնենք՝ ՌԴ Պաշտպանության նախարարության պաշտոնական ներկայացուցիչ Իգոր Կոնաշենկովը հայտնել էր, որ ուկրաինական բանակից, օտարերկրյա վարձկաններից եւ «Ազով» գնդի նեոնացիստներից մաքրվել է Մարիուպոլի ամբողջ տարածքը, նրանց մնացորդներն արգելափակվել են «Ազովստալ» մետալուրգիական կոմբինատում:
