ՄԱԿ-ի Զբոսաշրջության համաշխարհային կազմակերպության Գլխավոր ասամբլեան կասեցրել է Ռուսաստանի անդամակցությունը
ՄԱԿ-ի Զբոսաշրջության համաշխարհային կազմակերպության (UNWTO) Գլխավոր ասամբլեան կասեցրել է Ռուսաստանի անդամակցությունը։ Այս մասին գրում է Kp.ru-ն:
Իսպանիայի արդյունաբերության, առեւտրի և զբոսաշրջության նախարարության կայքում հաղորդվում է, որ որոշումն ընդունվել է «Ուկրաինայում շարունակվող ռազմական հարձակման» հետ կապված։
Ինչպես նշվում է հաղորդագրության մեջ, Ռուսաստանի անդամակցության կասեցումը թույլ չի տա երկրին օգտվել իր իրավունքներից և արտոնություններից, այդ թվում՝ մասնակցել կազմակերպության նիստերին։
Այնուամենայնիվ, ասամբլեայի կողմից հաստատված բանաձեւը նախատեսում է, որ կասեցումը կհանվի, եթե Գլխավոր ասամբլեան նկատի Ռուսաստանում «քաղաքականության փոփոխություններ» ։
