Ուկրաինան կրկին կփորձի անդամակցել ՆԱՏՕ-ին. Պենտագոնի ղեկավար
ԱՄՆ պաշտպանության նախարար Լլոյդ Օսթինը խոստովանում է, որ Ուկրաինան ապագայում «կձգտի կրկին դիմել» ՆԱՏՕ-ին անդամակցելու համար։
Այդ մասին նա ասել է Գերմանիայի Ռամշտայն ավիաբազայում Կիևին ռազմական օգնություն տրամադրելու վերաբերյալ խորհրդակցությունների արդյունքներով։
«Դա (Կիևի) ինքնիշխան որոշումը կլինի։ Ապագայում, եթե նման հնարավորություն ստեղծվի, կարծում եմ, Ուկրաինան կձգտի կրկին դիմել ՆԱՏՕ-ին անդամակցելու համար»,- ասել է Օսթինը:
Ինչպես ավելի վաղ հայտնել էր Ուկրաինայի Գերագույն Ռադայի նախագահ Ռուսլան Ստեֆանչուկը, Կիևը չի փոխի Հյուսիսատլանտյան դաշինքին միանալու պլանների վերաբերյալ դրույթները, որոնք նախատեսված են Ուկրաինայի Սահմանադրությամբ։
