«Ճանապարհները կփակենք այնքան, քանի դեռ Շուշիի, Հադրութի ճանապարհները փակ են». ցուցարարները փակել էին Կիևյանի կամուրջը
Ընդդիմադիր երիտասարդները փակել են Երեւանի Կիեւյանի կամուրջը: Այս մասին գրում է News.am:
Ոստիկանները սկսեցին հրելով դուրս բերել ակցիայի մասնակիցներին փողոցից: Ի վերջո, ոստիկաններին հաջողվեց բացել ճանապարհը եւ վերականգնել երթեւեկությունը:
Այստեղ էր նաեւ ԱԺ նախկին պատգամավոր Արագած Ախոյանը, ով նշեց, որ պետության փողերը ոչ թե գնում են Արցախի պաշտպանությանը, այլ Նիկոլին հասարակությունից պաշտպանելուն, կարմիրբերետավորներին աշխատավարձ տալուն: «Սրա համար Նիկոլը պատասխան է տալու, սա իրեն չի փրկելու»:
Մեկ այլ մասնկից էլ ասաց. «Ճանապարհները Երեւանում փակվելու են այնքան ժամանակ, քանի դեռ Շուշիի, Հադրութի ճանապարհները փակ են»:
