Ուկրաինացիները «Նեպտուն» հրթիռներով հարվածել են «Մոսկվա» նավին, խոշոր հրդեհ է բռնկվել
ՌԴ ՊՆ-ն հայտարարել է «Մոսկվա» հրթիռային նավի վրա հրդեհի բռնկման մասին։ Նշվում է, որ նավի վրա բռնկված հրդեհի ժամանակ զինամթերք է պայթել։
«Սևծովյան նավատորմի առաջատար նավերից մեկը լրջորեն տուժել է, անձնակազմն ամբողջությամբ տարհանվել է, հրդեհի պատճառները պարզվում են»,- ասվում է ՊՆ հաղորդագրության մեջ։
Ավելի վաղ Օդեսայի շրջանի վարչակազմի ղեկավար Մաքսիմ Մարչենկոն հայտարարել էր, որ իբր «Մոսկվա» նավը հարձակման է ենթարկվել ուկրաինական «Նեպտուն» հականավային հրթիռներով։ Թուրքական լրատվամիջոցները հայտնում են, որ նավը կարող է ցանկացած պահի խորտակվել, 54 նավաստիներին էլ փրկել է թուրքական նավը։
