ՔՊ-ն միայնակ նիստ արեց և ընտրեց իր առաջադրած թեկնածուներին
Իշխող «Քաղաքացիական պայմանագիր» խմբակցությունն այսօր միայնակ ԱԺ նիստ է արել և ընտրել Մրցակցության պաշտպանության և Հանրային ծառայությունները կարգավորող հանձնաժողովների անդամների՝ իր առաջադրած թեկնածուներին:
Այսպիսով՝ Մրցակցության պաշտպանության հանձնաժողովի անդամի պաշտոնում ընտրվել են ՔՊ-ի առաջադրած երկու թեկնածուները՝ պատգամավոր Անուշ Բեղլոյանը՝ 66 կողմ ձայնով և Տիգրան Մարկոսյանը՝ 67 կողմ ձայնով:
Հանրային ծառայությունները կարգավորող հանձնաժողովի անդամի պաշտոնում ընտրվել է Սեդա Շահինյանը, որի թեկնածությանը կողմ են քվեարկել 67 պատգամավոր:
Նշենք, որ ՄՊՀ անդամի միասնական թեկնածու էին առաջադրել նաև ընդդիմադիր «Հայաստան» և «Պատիվ» ունեմ խմբակցությունները, սակայն նրանք ներկա չէին նիստին, ուստի հարցը չքննարկվեց:
