Արցախը լինելու է Ադրբեջանի կազմում ու դրա համար էր Ալիևի` օրեր առաջ արված հայտարարությունը. Նաիրա Զոհրաբյան
Հենց հիմա Հայաստանի խորհրդարանում հնչում են Ադրբեջանի Միլի մեջլիսի թեզեր են հնչեցնում, իսկ մենք եկեք տեսնենք էլ ինչ հայաթ կա՝ գնանք ու հերոսաբար բարձրացնենք Արցախի դրոշը: Այս մասին ֆեյսբուքյան իր էջում գրել է ԱԺ նախկին պատգամավոր Նաիրա Զոհրաբյանը։
«Այս մարդու դեմքը հիշեք։
Նա, երբ կլինի Արցախն ու Հայաստանը հանձնելու մեղավորների Նյուրեմբերգը, ինչ-որ մի տեղ ու ինչ-որ մի օր դա անպայման լինելու է, եթե սա ողջ լինի, սա լինելու է դատվողների թոփ տասնյակում։
Քիչ առաջ այս մարդը Հայաստանի խորհրդարանի ամբիոնից հայտարարեց, թե 1996 թվականի գաղափարը, որ Արցախը Ադրբեջանի կազմում ապագա չունի՝ ճիշտ գաղափար չի եղել։
Եւ այսպես՝ Արցախը լինելու է Ադրբեջանի կազմում ու դրա համար էր երկու օր առաջ սրանց արյունակից Իլհամ Ալիեւը հայտարարում՝
«Որքան շուտ արցախցիները հասկական, որ ապրելու են Ադրբեջանի դրոշի ներքո, այնքան լավ իրենց համար»։
Իսկ մենք եկեք տեսնենք էլ ինչ հայաթ կա՝ գնանք ու հերոսաբար բարձրացնենք Արցախի դրոշը»,- գրել է Նաիրա Զոհրաբյանը։
