Ամսական 7 միլիարդ դոլարի օգնություն. Զելենսկու հերթական խնդրանքը` Եվրահանձնաժողովից
Ուկրաինային ամսական 7 միլիարդ դոլարի ֆինանսական օգնություն է անհրաժեշտ աշխատավարձերի և սոցիալական նպաստների համար։ Այս թվերը հայտարարել է նախագահ Վլադիմիր Զելենսկին Եվրահանձնաժողովի ղեկավար Ուրսուլա ֆոն դեր Լեյենի հետ հանդիպման ժամանակ, հայտնում է Bloomberg-ը՝ հղում անելով աղբյուրներին։
Զելենսկին, ըստ գործակալության, այս մասին ասել է անցյալ շաբաթ ֆոն դեր Լեյենի Կիև կատարած այցի ժամանակ։
Bloomberg-ի աղբյուրները նաև հայտնել են, որ Զելենսկին Եվրահանձնաժողովի ղեկավարին պատմել է հացահատիկի արտահանման հետ կապված Ուկրաինայի խնդիրների մասին։ Ի պատասխան՝ ֆոն դեր Լեյենը վստահեցրել է, որ Եվրոպան մտադիր է օգնել մատակարարման գործընթացի դյուրացմանը՝ դիմելով սահմանի հատման արագացված ընթացակարգերի կիրառմանը։
