ՏԵՍԱՆՅՈՒԹ. ԱՄՆ-ում թռչունը ծրտել է Բայդենի ուսին վերջինիս ելույթի ժամանակ
ԱՄՆ նախագահ Ջո Բայդենը կրկին լրատվամիջոցների ուշադրության կենտրոնում է հայտնվել: Ինչպես նկատել են անգլալեզու և ռուսալեզու ԶԼՄ-ները, Այովա նահանգում Ելույթի ժամանակ Բայդենի բաճկոնին մի թռչուն է ծրտել, բայց նա կա՛մ ձևացրել է, թե չի նկատել, կա՛մ իսկապես ոչինչ էլ չի զգացել:
«Նույնիսկ թռչունները հավանություն չէին տալիս նախագահ Բայդենին Այովա նահանգում», - կատակել է New York Post-ը:
Նշենք, որ Բայդենի այս ելույթը նույնպես առանց վրիպակների չի եղել: Այս անգամ էլ ԱՄՆ նախագահը շփոթել է Ուկրաինան և Չինաստանը՝ առաջինի փոխարեն անվանելով երկրորդը:
Երբ նախագահը խոսել է վառելիքի և գյուղատնտեսական ճգնաժամի մասին, նշել է.
«Ցորենի երկու խոշորագույն արտադրողները՝ Չինաստանը և... Կներեք, Ուկրաինան և Ռուսաստանը, չեն անում այն, ինչ նախկինում անում էին, ուստի ամեն ինչ աճում է (խմբ.՝ գները)»,- բացատրել է քաղաքական գործիչը։
