Վիլնյուսում ՌԴ դեսպանատան դիմաց գտնվող լճակի ջուրը ներկվել է արյան գույնով։ Ինչպես հայտնում է Nexta live- ը՝ քաղաքում ասում են, որ դա «գեղարվեստական ​​ներկայացում է, որը նախատեսված է աշխարհի ուշադրությունը Ռուսաստանի ռազմական հանցագործությունների վրա հրավիրելու համար»:

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին:Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։