ՌԴ զինված ուժերը Կիևի մարզում հսկիչ կետեր են տեղադրել զինտեխնիկայի շարասյուների անվտանգ տեղաշարժի համար, համապատասխան կադրերը հինգշաբթի հրապարակել է ՌԴ պաշտպանության նախարարությունը։
50 վայրկյան տևողությամբ տեսանյութում երևում են ճանապարհների վրա և երկայնքով տեղադրված արգելապատնեշներ, պարկեր և տարբեր խոչընդոտներ: Ճանապարհներով անցնում են բեռնատարներ, «ՈւԱԶ-պատրիոտ» մակնիշի մեքենաներ և զրահափոխադրիչներ։ Երթևեկության անվտանգությունն ապահովում են ՌԴ ԶՈւ ստորաբաժանումները՝ V մակնշմամբ։
Ռազմական գերատեսչության տվյալներով՝ անցակետերում հատուկ ուշադրություն է դարձվում մեքենաների ստուգմանը, այդ թվում՝ զենքի և զինամթերքի առկայությանը, որպեսզի կանխվի զինված ազգայնականների տեղաշարժը, որոնք շարունակում են հարձակվել քաղաքացիական անձանց վրա։ Զինվորական անձնակազմը նաև ապահովում է մարդասիրական բեռների առաքման և փախստականների տարհանման անվտանգությունը։